ویکیپیدیا:سەبارەت

لە ئینسایکڵۆپیدیای ئازادی ویکیپیدیاوە
باز بدە بۆ: ڕێدۆزی، گەڕان
Wikipedia.org پەڕەی دەستپێکی ويكيبيديا بەزمانە جۆراوجۆرەکان.

ویکیپیدیا پرۆژەیەکی زانستنامەی فرەزمانە لەسەر تۆڕی ئینتەرنێت دامەزراوە و ناوەڕۆکی ئازادە. زیاتر لە ٨٥٬٠٠٠ بەکارھێنەری کارا بەشداری تیادا دەکات کار لەسەر زیاتر لە ١٤٬٠٠٠٬٠٠٠ وتار دەکەن بە زیاتر لە ٢٦٠ زمان؛ کە ٢١٬٤٧٩ وتاری بە زمانی کوردیی ناوەندیە. ڕۆژانە، بە ھەزاران کەس سەر لە ویکیپیدیا دەدەن لە شوێنە جۆراوجۆرەکانی جیھانەوە و دەستکارییەکی زۆر لە ویکیپیدیا دەکەن و، ژمارەیەکی زۆر لە وتاری نوێ درووست دەکەن.

لەوکاتەوەی کە ویکیپدیا دامەزراوە لە ساڵێ ٢٠٠١وە، بە شێوەیەکی خێرا گەشەی کردووە وگەورەبوو تا ئەو ڕادەی کە بوو بە یەکێک لەھەرە وێبگە گەورەکانی سەر تۆڕی ئینتەرنێت و وای لێھات زیاتر لە 65 یەک میلیۆن کەس مانگانە سەردانی بکەن لە ساڵی ٢٠٠٩. ئەو کەسانەی کە سەردانی ویکیپیدیا دەکەن پێویستییان بەوە نییە کە ھەڵگری ھیچ بڕوانامەیەک بن لەو بوارەی بەشداری تیادا دەکەن، بەوھۆیەوە بەشداربوویەکی زۆر دەستکاری ویکیپیدیا دەکەن لە زۆر تەمەن و چاندی جیاوازەوە. تەنھا لەچەند حاڵەتێکدا نەبێت؛ ھەموو کەسێ دەتوانێت دەستکاریی پەڕەکان بکات، بەلێدانی دوگمەی دەستکاری لە سەرووی ھەموو پەڕەکانەوە. ویکیپیدیا پێشوازی لە ھەموو بەشدارییە باشەکان و بەکارھێنەرە نوێکان دەکات. ئەگەر سەرچاوە و پەراوێزی پێوەلکێنراوە لە ویکیپیدیا بە پێی سیاسەتەکان و ڕێساکان نەبێت، مەترسی سڕینەوەیان دەکەوێتە سەر.

ھێزی زانیارینامەی ویکیپیدیا لە سیستمی بەڕێوەبردنی ناوەڕۆکەکەیدایە کە کە لە ویکیپیدیا بەکارھێنراوە و بە میدیاویکی ناودەبرێت، پێویستی بەترس ناکات لەکاتی نووسینی وتارێک یاخود چاککردنی زانیارییەک. بەشێکی زۆر لە بەشداربووانی ویکیپیدیا ئامادەن بۆ پێشکەشکردنی یارمەتیدان و ڕێنماییکردن و ڕاستکردنەوەی بەشدارییەکان.

وەشانە سۆرانییەکەی ویکیپیدیا لە ئەیلوولی ٢٠٠٩، و ھێشتا لە ھەنگاوە سەرەتاکانیەتی، لەبەر ئەوە ھەر دەستکارییەک، یاخود زیادکردنێ ھەرچەندێ بچووک بێت، زۆر بەنرخ و یارمەتیدەرە بۆ ویکیپیدیای سۆرانی.

ئێستا دەتوانیت دەستبکەیت بە کارکردن بۆ بەرەوەپێشبردنی ویکیپیدیای کوردی ناوەندیی (سۆرانی). ئەگەر دەتەوێت بابەتێکی نوێ بنووسی، دەتوانیت سەردانی ئەم پەڕەیە بکەیت. بۆ ھەر چەشنە پرسیارێک ڕوو لە مێزی زانیاری و پرسگا بکەن.